هري كتير وحملات مدفوعة الأجر.. أول رد من عمرو سعد على مقارنته بـ محمد رمضان - أرض المملكة

رد الفنان عمرو سعد لأول مرة على الاتهامات الموجهة إليه بتقليد الفنان محمد رمضان، مؤكدًا أن كل تلك الأقاويل والمنشورات ما هي إلا حملات مدفوعة الأجر عن عمد لتشويش انطباعات الجمهور والسيطرة على أفكارهم بأكاذيب، ونرصد فيما يأتي رد عمرو سعد على هذه الأقاويل وتصريحاته.

عمرو سعد يرد على مقارنته بـ محمد رمضان: حملات مدفوعة الأجر وهري السوشيال ميديا 

وقال عمرو سعد في تصريحات لبرنامج et بالعربي يرصدها موقع تحيا مصر: “كلام كتير وهري على السوشيال ميديا وانتوا عارفين إني راجل قليل الكلام وبخجل أطلع أتكلم ومش بحب أشير لنجاح نجحته أو نسب مشاهدة حققتها وده حرصًا على مجهود كل الناس زمايلي اللي بتشتغل وأنا بتابعهم وبقعد أتفرج عليهم وواحد من جمهورهم، لأني أنا بصدق في إن مينفعش تشاور على نجاحك احنا بنحلم نعمل حاجة تأثر في الجمهور وتبسطهم وأول ما ده يحصل بنفكر في العمل اللي بعده لكن للأسف الشديد الصمت ده بيتفهم غلط”.

وتابع: “مع توحش السوشيال ميديا ووجود حملات مدفوعة الأجر لصناعة انطباعات معينة وحاجات كاذبة ومزيفة شئ بقى غريب جدًا وللأسف الشديد احنا جمهورنا طيب وممكن يحصل تشويش لانطباعاته عن الأشخاص والأعمال ودي بقت حاجة غريبة ومريبة بعد تفشي ظاهرة السوشيال ميديا وان الناس تستمتع وتتفرج وتتابع اخبار النجوم وارقام التريندات أصبح لازم أرد”.

عمرو سعد يرد بعد اتهامه بتقليد محمد رمضان: محمد سامي بنفسه قال إنه بيقدم دراما جديدة 

وأشار عمرو سعد في حديثه إلى الاتهامات الموجهة إليه بتقليد الفنان محمد رمضان بعد انتشار صورة له من مسلسل سيد الناس وهو عاري وقارنها الجمهور بمشهد من مشاهد محمد رمضان السابقة، مؤكدًا أن سيد الناس مختلف تمامًا عن كل هذه التوقعات، وقال: “يمكن أكتر سؤال بنتسأله هو نوع الدراما اللي هنقدمها احنا هنقدم ايه مختلف عن السنين اللي فاتت على مستوى الشكل والمضمون ايه اللي هيقدمه محمد سامي وهو كاتب أعماله مختلف عن السنين اللي فاتت فهو تحدي مش قليل”.

واستكمل “سعد”: “ومع القعدات الكتير والنقاشات المخرج نفسه قال إنه بيقدم دراما جديدة عليه أول مره يقدمها وجديدة عليا وعلى كل النجوم المشاركين والناس هتتفاجئ لما تتفرج إن توقعاتها مش حقيقية لما يحضر المسلسل بعد أيام على شاشات mbc ويارب يعجب الناس ويحبوه ويأثر فيهم على قد المجهود اللي بذلناه”.

بسبب حملات السوشيال ميديا.. عمرو سعد يوجه رسالة إلى مارك

واختتم عمرو سعد حديثه موجهًا رسالة إلى مارك بسبب انتشار الأكاذيب والحملات على السوشيال ميديا قائلًا: “عايز أوجه رسالة لمارك وأقوله الله يسامحك يسطا ارتحت كده اديك مليت العالم بنهر من الأكاذيب وآخر حاجه عايز أعبر عن فخري وسعادتي إني هقف قدام نجوم كبار كل واحد فيهم يشيل مسلسل لوحده”.

يذكر أن مسلسل سيد الناس بطولة كوكبة من نجوم الفن أبرزهم عمرو سعد، إلهام شاهين، منة فضالي، أحمد زاهر، أحمد رزق، بشرى، خالد الصاوي، إنجي المقدم، أحمد فهيم، وآخرين.