استغاثت المطربة صابرين النجيلي بسبب تأخر رواتب فنانين دار الأوبرا المصرية لمدة 5 أشهر، وذلك من خلال منشور عبر حسابها الشخصي على موقع التواصل الاجتماعي فيسبوك.

استغاثة صابرين النجيلي بسبب تأخر رواتب فنانين دار الأوبرا المصرية

وكتبت صابرين النجيلي في منشورها الذي يرصده موقع تحيا مصر: فنانين دار الأوبر المصريه لم يتوقفوا عن عملهم.. لم يعتصموا ولم يتجمهروا.. رغم انهم لم يتقاضوا مستحقاتهم الماديه من وقت مهرجان الموسيقى العربيه العام الماضي ؟!.. مستحقاتهم التى هى في الأصل اقل من كل موظفين وإداريين وأوركسترا !! رغم ان فنانين الموسيقى العربيه هما اللي شايلين الأوبرا وحفلاتهم دائما مكتمله.. لو تعلمون كم مرتب الفرد منا مقارنةً بأدارى او فنان اوركسترا بيعمل حفله كل سنه ؟!.

صابرين النجيلي:  شهور بيشتغل ببلاش ؟! حتى القليل منعتوه ؟!

وتابعت صابرين النجيلي: ووصلوا صوتهم اكتر من مره وتقدموا بشكاوى بتتركن في الدُرج !! ٥ شهور بيشتغل ببلاش ؟! حتى القليل منعتوه ؟؟!.. ادارة الأموال العامه فين ؟؟! تحاسب الساارق والمُقصر وتنصر المتضرر؟! سيادة رئيس الوزراء ماذا لو فتش في الامر ؟! ماذا سيكتشف من كوارث ؟!.. هما مجرد ناس عايزين حقهم.. لا هم مُعارضين لنظام ولا حكومه ولا دوله.. بالعكس هم من أوائل المؤيديين للدوله وسيادة الريس قلباً وقالباً.. ليه بتتعاملوا انهم بتوع مشاكل.. يكملوا شغلكم منين طيب ؟! يركبوا مواصلات ييجوا الشغل منين طيب ؟! فساتين وبدل وشكل مُشرف منين ؟! الموضوع من زمان كده ولا حياة لمن تنادي وكل ظالم لا يعلم كم الدعوات التى تُرفع عليه الي الله وكل ده عارفه انه مفيش فايده مننا اللي له شغله بره الاوبرا وعايش طيب اللي معندوش غيرها ؟؟! يموت ؟!.. ارجوا النظر في الأمر لانه حرام.. الناس تعبانة.

صابرين النجيلي تكشف عن بداياتها الفنية

وكانت قد كشفت صابرين النجيلي عن بداياتها الفنية خلال لقاء لها ببرنامج معكم منى الشاذلي، وقالت: كتبت أغنية "قلبى دق دق" من 5 سنوات ولما لحنتها قلت هنفذها الأيام دى وكانت تريند لما قدمتها بالطريقة اللى ظهرت بيها، وكنا بنصور فى البيت أفلام واحنا صغيرين قبل ما تطلع التليفونات، وانا دايما المنتج والمخرج وكل حاجة".

وأضافت صابرين : "أول أغنية قدمناها على التيك توك كانت هى "ع الكورنيش" للمطربة جواهر، لافتة إلى أن شقيقتها "صفاء" هادية عكس ما تظهر فى الفيديوهات اللى بنقدمها والناس بتسمينها فيتامين "ص" علشان أسامينا تبدأ بحرف الصاد.. وخلال الحلقة غنت صابرين النجيلى "إسمعونى" للفنانة وردة.