هاجم عبدالحليم علي، نجم نادي الزمالك السابق، مدير الكرة الحالي بنادي مودرن سبورت، أحمد مصطفى زيزو، لاعب الفريق بسبب عدم تجديد تعاقده حتى الآن.

عبد الحليم علي لزيزو: الزمالك يستحق التضحية

وقال «علي» في تصريحات تليفزيونية، موجها حديثه لزيزو: «قبل ما أي حد يجي الزمالك مكنش حد يعرفه، وأنا نفسي مكنش حد يعرفني، أنت لازم تقدر كل ده برده وتمضي، الزمالك يستحق إنك تضحي بحاجات كتيرة عشانه، الكل خد حقه بارتباط اسمه بالكيان، الوحيد اللي مش مستفيد المشجع هو اللي بيضحي بكل حاجة».

وتابع: «الزمالك بيديك كل حاجة، أنت أناني عايز تاخد كل حاجة، إزاي أقعد 6 أو 7 شهور مش عارف أجدد للاعب، النادي اللي عملك وعملنا كلنا، أنت شايف أو مش بتسمع الجمهور، نخلي فيه دم، لو مفيش انتماء يطلع برا النادي، أنت عملت للنادي إيه، لا بنلعب أفريقيا، ولا حصدنا اللقب، ليه بتعمل فينا كده بتعاقب المشجعين اللي عملوا اسمك».

عبد الحليم علي يطالب بإصدار قرارات ضد اللاعبين 

وطالب مهاجم نادي الزمالك السابق، عبدالحليم علي بضرورة إصدار قرارات ضد اللاعبين، وعدم مشاركة اللاعبين الذين لا يظهروا بروح داخل الملعب.