كشف الإعلامي محمد نشأت عبر حسابه على موقع تبادل الفيديوهات والصور «إنستجرام» تفاصيل أزمته الصحية الطارئة التي تعرض لها مؤخرًا.

وكتب محمد نشأت قائلًا: «بعد يوم غريب في رعاية القلب بالمستشفى، اللهم لك الحمد والشكر، كل التحاليل والأشعة سلبية.. دعواتكم ومشاعركم الطيبة لم تتركني لحظة.. أي نعم، لسه في شوية تعب خفيف، بس أنا راضي والله ومبسوط لو تيجي على قد كده.. ربنا يسترها عليكم.. حافظوا على نفسكم على قد ما تقدروا».

وأضاف: «اعرفوا إن كل فترة محتاج تفلتر انفعالاتك.. وتتحكم في طاقتك، ومتضيعش وقتك، تبقى صادق أكتر مع نفسك في تحليلك لمشاهد حياتك، وتشكر ربنا على نعم كتير أديهالك علشان تطرد فكرة أنك "تألف النعمة" فتعتبرها حاجة مضمونة.. كل فترة محتاج ترسم خططك وتبني عليها قرارتك بصدق وهدوء».

واختتم: «شكراً لكل زملائي وإخواتي وأساتذتي، شكراً لكل الطاقم الطبي المحترم في المستشفى، ويمكن كنت محتاج أوي أحس بهذا الكم الهائل من حب الناس، حتى الناس اللي أنا كنت مقصر معاها جدًا. شكرًا للناس الأصيلة، أصحاب الأصل الطيب».