حرصت الفنانة نشوى مصطفى على توجيه رسالة جديدة مؤثرة لزوجها الراحل، وذلك بعد مرور أيام ليست بالقليلة على وفاته مشيرة إلى أنها تشعر باليتم منذ وفاته فكانت تعتبره أبا لها.

نشوى مصطفى تتذكر زوجها بكلمات مؤثرة 

ونشرت نشوى مصطفى صورة لزوجها منذ قليل عبر حسابها الرسمي بموقع التواصل الاجتماعي فيسبوك ورصده موقع تحيا مصر، وعلقت عليه، قائلة: الله يرحمك ويسعدك ويراضيك يانور عينيه — عارف ياعماد امبارح اخويا بيقولى انتى كنتى مهمومة وبتراعى وواخدة بالك مننا كلنا —  وابيه عماد هو الوحيد اللي كان مهموم وواخد باله منك وبيراعيكى ومهتم بيكي.

وتابعت نشوى مصطفى حديثها، قائلة: ياعماد انت كنت رزقى الكبير ورزقى انقطع انت كنت سندى وضهرى وسترى انت كنت اطمئنان قلبى انت كنت سرى كنت باجرى عليك اشتكي لك وتصبرنى اسألك وتفهمنى كنت ابويا ودلوقتى انا اتيتمت مش حاكذب عليك انا بامثل انى عايشة قلبى مغروس فيه خنجر وروحى مصلوبة فوق محرقة،  نار فراقك بتزيد كل ماالوقت بيعدى مش بتقل.

نشوى مصطفى لزوجها: خدعتني ومشيت بسرعة 

واختتمت نشوى مصطفى حديثها، قائلة: خدعتنى ومشيت بسرعة،  بينا كلام لسه مخلصش -  بينا احلام لولادنا واحفادنا لسه مااتحققتش — انت موجود قدام عينيه طول الوقت وصوتك فى ودانى - ادعى لى ياحبيبى — يارب امتى اللقا اللي بيحب ربنا يدعى لحبيبى بالرحمة ويدعى لى بالصبر ويدعى لولادى بالصبر والثبات.

يذكر، أنه تعرضت نشوى مصطفى لهجوم مروع في الفترة الماضية بعد عودتها لتقديم برنامجها بنت البلد بعد أيام من وفاة زوجها دون أن تنتهي من شهور العدة.

أول تعليق من نشوى مصطفى على الهجوم التي تعرضت له

وفي أول تعليق من نشوى مصطفى على هذا الهجوم، قالت في برنامج بنت البلد الذي تقدمه على قناة CBC: الناس بس مش فاهمين ان في حاجة اسمها شروط جزائية في العقود والحقيقة اني مش هقدر اتسجن في السن ده ، والشروط الجزائية ده بالملايين وانا معنديش امكانية اني انا ادفعها، مينفعش أتسول أو أستلف ده أكل عيشي وملتزمة فيه بعقود وشروط معينة.