كشف محمود عبدالمنعم كهربا لاعب النادي الأهلي المعار لفريق الاتحاد الليبي عن أكبر مشكلة له في مسيرته الكروية خاصة في ظل أزماته مع النادي الأهلي قبل الرحيل للاتحاد الليبي على سبيل الإعارة. 

وقال كهربا في تصريحات تليفزيونية: «أكبر مشكلة ليا كانت في سويسرا كنت صغير اتخانقت مع مدير الكرة في فريق لوزيرن كنا بنلعب مباراة مهمه وفريق هرتا برلين كانوا بيتفرجوا عليا روحت قريت قرآن وصليت ودي كانت عاداتي قبل المباريات وبعد ما رجعت ملقتش إسمي عملت مشكلة كبيرة معاه وفسخت العقد وكانوا عايزين يعملوا ورقة  إني مرجعش أوروبا تاني وبعدها خلصت مع فريق جراسهوبرز السويسري».

كهربا: ليس ندمان على العودة من الاحتراف

وبسؤاله عن هل هو ندمان على عدم تكرار التجربة الناجحة لمحمد صلاح ومرموش في الاحتراف رد قائلًا : « مش ندمان إني رجعت من الاحتراف صلاح لاعب كبير ومرموش إن شاء الله يعمل تاريخ كبير ولكن أنا بالنسبالي طول ما أنا مع النادي مع الأهلي والتاريخ اللي عملته في النادي مبسوط وراضي بيه جدا».