تترقب جماهير القلعة البيضاء، مصير الصفقات الجديدة بالفريق الأول لكرة القدم بنادي الزمالك، خلال فترة الانتقالات الشتوية الجارية، وتلبية رغبات السويسري كريستيان جروس المدير الفني للفريق، من أجل استمرار المنافسة على الألقاب محليًا وقاريًا.

طارق السيد: الزمالك سيتعاقد مع صفقات جديدة في يناير الجاري

وكشف طارق السيد، نجم الزمالك الأسبق وعضو اللجنة الفنية الحالي، في تصريحات تليفزيونية، عن مفاجأة سارة لجماهير القلعة البيضاء، بشأن الصفقات الجديدة، خلال شهر يناير الجاري، إذ تحدث قائلًا: «الزمالك هيجيب صفقات جديدة في الميركاتو الحالي، لكن معرفش العدد هيكون كام بالظبط، ولكن ما أستطيع تأكيده إن فيه صفقات».

الزمالك يجدد عقد مهاجم الفريق

وتابع: «سيف الجزيري مستمر مع الزمالك وأزمته خلصت وهو جدد خلاص وأنا مع الأمر ده لإنه مهاجم كويس وله دور مهم مع الفريق».

وأشار طارق السيد: «جوميز كان قال لإدارة الزمالك مش عاوز محمد عاطف، وبعدها الجهاز المعاون شاف إنه كويس فأتكلم مع جوميز عليه.. وجوميز قال لأندريه بيكي مساعده، أنا قلت للمجلس مش عاوزه لو رجعت قلت كويس ويكمل هيبقى موقفي ضعيف ورفض يقول للإدارة علشان شكله ميبقاش وحش».